«Барселона» 11 йилдан бери Чемпионлар лигасида зафар қуча олмаяпти. Жорий мавсумда «кўк-анорранглилар» мусобақанинг асосий фаворитларидан бири сифатида кўрилган эди, бироқ 1/4 финал босқичида Мадриднинг «Атлетико» клубига имкониятни бой беришди.

«Сельта» устидан қозонилган ғалабадан (1:0) сўнг берган интервьюсида ярим ҳимоячи Гави жамоанинг муваффақиятсизлиги ва келажакдаги режалари ҳақида тўхталиб ўтди:

«Мен Фликнинг фикрига қўшиламан: Чемпионлар лигасида ғолиб чиқиш учун таркибда етакчилар бўлиши шарт. Бизда бир нечта етакчилар бор ва мен ўзимни ҳам улардан бири деб ҳисоблайман», — деди Гави.

Маълумот учун, Каталония клубининг ушбу нуфузли мусобақадаги охирги ғалабаси 2014/15 йилги мавсумга тўғри келади.