Испаниянинг «Реал» клуби «Штутгарт» ярим ҳимоячиси Чема Андресни трансфер қилиш имкониятларини ўрганмоқда. Бу ҳақда «Marca» нашри хабар бермоқда.

Маълум қилинишича, 20 ёшли футболчи «қироллик клуби» тарбияланувчиси ҳисобланади. Мадридликлар ўтган йили футболчини сотиш вақтида шартномага 13,5 миллион евро миқдорида қайта сотиб олиш имкониятини киритган эди. Жорий ёзги трансфер ойнасида клуб ушбу банддан фойдаланиши кутилмоқда.

Маълумот учун, Чема Андрес жорий мавсумда «Штутгарт» сафида жами 35 та учрашувда майдонга тушиб, ўз ҳисобига 3 та гол ва 2 та голли узатмани ёздириб қўйган. Transfermarkt портали ёш испаниялик футболчининг нархини 15 миллион еврога баҳолаган. Ярим ҳимоячи Германияга йўл олишидан аввал «Реал» асосий жамоаси сафида 3 та ўйинда иштирок этишга улгурган.