«Барселона»нинг собиқ бош мураббийи Кике Сетьен 2020 йилнинг август ойида Чемпионлар лигаси 1/4 финалида «Бавария»дан қабул қилинган 2:8 ҳисобидаги шармандали мағлубиятни ёдга олди. Ўша шармандали мағлубиятдан сўнг клуб мутахассис билан хайрлашганини эълон қилган эди.
«Менда ҳеч қандай руҳий жароҳат қолмаган — ўша муваффақиятсизликни тўлиқ енгиб ўтдим. Бразилия терма жамоаси ҳам ўз уйидаги жаҳон чемпионатида 1:7 ҳисобида ютқазган эди. Бу ҳаётда доим ниманидир ўрганасан ва бу шунчаки қабул қилиш керак бўлган вазиятлардан бири. Муҳими — қайта оёққа туриш ва олдинга интилиш», — дея 67 ёшли мутахассиснинг сўзларини келтиради Испания ОАВлари.
Қайд этиш лозимки, ўша вақтда «Бавария»ни ҳозирда «Барселона»ни бошқараётган Ханс-Дитер Флик бошқарган эди. Ҳозирда Кике Сетьен мураббийлик фаолиятини юритмаяпти.
