«Монако» вингери Магнес Аклиуш «Пари Сен-Жермен» қизиқишлари доирасига тушди. Париж гранди устози Луис Энрике таркибда кескин ўзгаришлар қилишни истамаса-да, келаётган ёзда ҳужум чизиғини янги ўйинчилар билан бойитишни режалаштирмоқда.
Footmercato хабарига кўра, монегаскларнинг 24 ёшли етакчиси парижликларнинг асосий трансфер мақсадларидан бири сифатида белгиланган. Transfermarkt портали футболчининг нархини айни дамда 50 миллион еврога баҳоламоқда. Манбанинг таъкидлашича, Аклиуш Энрикенинг талабларига тўлиқ жавоб беради.
Келиб чиқиши жазоирлик бўлган франциялик футболчи жорий мавсумда «Монако» сафида барча мусобақаларда 39 та ўйинда майдонга тушиб, ўз ҳисобига 7 та гол ва 9 та голли узатмани ёздириб қўйишга муваффақ бўлди.
