Мюнхеннинг «Бавария» клуби бош мураббийи Венсан Компани ҳозирда бор эътибори қайси ўйинга — «Майнц» ёки «ПСЖ» билан бўладиган баҳсга қаратилгани ҳақидаги саволга жавоб берди.

«Назарий жиҳатдан биз «Майнц»га диққат қаратамиз, гарчи чемпионликни нақд қилиб қўйган бўлсак-да. Бизда ўйинларга тайёргарлик кўриш бўйича аниқ режа бор. Мен бу жараённи ўзгартиришни истамайман, чунки барча ўйинлар муҳим», — дея Компанининг сўзларини келтиради Bayern & Germany.

Эслатиб ўтамиз, аввалроқ «Бавария» ўз майдонида «Штутгарт»ни 4:2 ҳисобида мағлуб этиб, муддатидан олдин Германия чемпионига айланган эди.

25 апрель куни мюнхенликлар сафарда «Майнц» билан тўқнаш келишади, 28 апрель куни эса Компани шогирдлари Чемпионлар лигаси ярим финали доирасида Франциянинг «ПСЖ» жамоасига қарши дастлабки сафар ўйинини ўтказишади.