Машҳур португалиялик собиқ футболчи Луиш Фигу замонавий бразилиялик ўйинчилардан ким билан бир жамоада тўп суришни истаган бўлишини айтди.
2000 йилги «Олтин тўп» соҳибининг танлови Мадриднинг «Реал» клуби шарафини ҳимоя қилаётган Родригога тушди.
«Мен бирга ўйнашни истаган ҳозирги бразилиялик футболчими? Менга Родриго жуда ёқади. Шу боис уни танлайман», — дея Madrid Xtra Фигунинг сўзларини келтиради.
Эслатиб ўтамиз, Родриго тиззасидаги хочсимон бойламлар узилиши сабабли март ойидан бери майдонга тушмаяпти. «Қаймоқранглилар»нинг 25 ёшли вингери бўлажак Жаҳон чемпионатини ўтказиб юборади — унинг сафга қайтиши кузда кутилмоқда.
