Mashhur portugaliyalik sobiq futbolchi Luish Figu zamonaviy braziliyalik o‘yinchilardan kim bilan bir jamoada to‘p surishni istagan bo‘lishini aytdi.
2000 yilgi «Oltin to‘p» sohibining tanlovi Madridning «Real» klubi sharafini himoya qilayotgan Rodrigoga tushdi.
«Men birga o‘ynashni istagan hozirgi braziliyalik futbolchimi? Menga Rodrigo juda yoqadi. Shu bois uni tanlayman», — deya Madrid Xtra Figuning so‘zlarini keltiradi.
Eslatib o‘tamiz, Rodrigo tizzasidagi xochsimon boylamlar uzilishi sababli mart oyidan beri maydonga tushmayapti. «Qaymoqranglilar»ning 25 yoshli vingeri bo‘lajak Jahon chempionatini o‘tkazib yuboradi — uning safga qaytishi kuzda kutilmoqda.
