Мадриднинг «Реал» клуби Испания чемпионатининг навбатдаги, 32-турида «Алавес» устидан ғалаба қозонди. Бу натижа Дани Карвахаль учун ажойиб совға бўлди, чунки у Испания футболи юқори дивизионидаги ўзининг юбилей — 300-учрашувини ўтказди. Қайд этиш жоизки, ушбу ўйинларнинг барчаси айнан «Реал» либосида ўтказилган. Карвахаль мадридликлар тарихида бундай кўрсаткичга эришган 24-футболчига айланди.
Испания чемпионатининг навбатдаги турида «Реал» Севильяда «Бетис» билан тўқнаш келади. Ушбу баҳс эртага, 24 апрель — жума куни бўлиб ўтади. Айни дамда мадридликлар Испания чемпионати турнир жадвалида иккинчи ўринни эгаллаб туришибди.
