«Реал» бош мураббийи Альваро Арбелоа мадридликлар ҳужумчиси Килиан Мбаппенинг Жозе Моуриньо «қаймоқранглилар» бошқарувига келиши мумкинлиги ҳақидаги постга «лайк» босганига муносабат билдирди.
«У Моуриньо, Жулия Робертс ёки бошқа биров ҳақидаги постга «лайк» босганми — менга фарқи йўқ», — деди Арбелоа матбуот анжуманида.
Жозе Моуриньо 2010 йилдан 2013 йилгача «Реал»ни бошқарган. Унинг қўл остида Мадрид клуби Испания кубоги, Испания суперкубоги ва Испания чемпионатида ғолиб чиққан. Португалиялик мутахассис бошқарувида «қироллик клуби»нинг Чемпионлар лигасидаги энг яхши натижаси ярим финал бўлган. Айни дамда Моуриньо «Бенфика»ни бошқармоқда, бироқ ОАВдаги хабарлар унинг «Реал»га қайтиши мумкинлигини фаол равишда тахмин қилмоқда.
