«Лейпциг» шу ёзда бош мураббийни алмаштириши мумкин.
Bild нашрининг хабарига кўра, 2025 йилнинг июнь ойида жамоа бошқарувига келган Оле Вернернинг келажаги сўроқ остида турибди. Клуб Бундеслигада учинчи ўринда бораётган бўлса-да, кейинги мавсум учун Чемпионлар лигаси йўлланмасини ҳали нақд қилгани йўқ.
Бироқ гап фақат натижаларда эмас. Таъкидланишича, раҳбарият нафақат жамоа ўйинидан, балки Вернернинг ротациядан деярли фойдаланмаслиги ва бунинг натижасида футболчиларнинг ривожланиши секинлашаётганидан норози.
Агар «Лейпциг» барибир мураббий билан хайрлашадиган бўлса, унинг ўрнига еврокубокларда тажрибага эга мутахассис изланади. Номзодлар орасида Оливер Гласнер («Кристал Пэлас»), Маттиас Яйссле («Ал-Аҳли») ва Хаби Алонсо («Реал» собиқ мураббийи) бор.
