UEFA президенти Александар Черефин баъзи ҳакамлик талқинларини тушунмаслигини айтди.
«Баъзан мухлислар нега бир хил эпизодлар турли ўйинларда турлича талқин қилинишини тушуна олмайди, мен эса уларни тушунаман. Ўзим ҳам ҳеч нарсани тушунмаяпман. Масалан, қўл билан ўйнаш ҳолатини олайлик: бу пенальти бўладими ёки йўқ — ҳеч ким аниқ тушунмайди, бу атайлаб қилинганми ёки йўқ… Буни қандай аниқлайсиз? Ахир сиз психолог эмассиз!
Биз ҳакамларга қарорни майдондаги бош ҳакам қабул қилишини тушунтиришга ҳаракат қиламиз. VAR фақат аниқ ва равшан хатолик бўлган тақдирдагина аралашиши керак. Аралашувлар қисқа бўлиши лозим, баъзида Ла лига ёки АПЛда бўлганидек, эпизодни кўриб чиқиш учун 10–15 дақиқа қўшимча вақт ажратиши керак эмас», — деди Чеферин.
Аввалроқ, "Барселона" президенти Жоан Лапорта УЕФА президентига тўғридан-тўғри мурожаат қилиб, Чемпионлар лигаси чорак финали жавоб учрашувидаги "Атлетико"га қарши ўйин (1:2) бош ҳаками Клеман Тюрпен ишидан норозилигини билдиргани хабар қилинган эди.













