Испаниялик журналист Хосеп Педрероль Мадриднинг «Реал» клубида Альваро Арбелоани қайси мураббий алмаштириши мумкинлиги ҳақида гапириб берди. «Қаймоқранглилар»нинг амалдаги бош мураббийи мавсум якунланганидан кейин ўз ишини давом эттириши даргумон.
ОАВ вакиллари «қироллик клуби»нинг кўплаб номдор мутахассисларга қизиқиши борлигини ёзишмоқда, бироқ ҳозирча аниқ маълумотлар кам.
"Реал"нинг кейинги мавсумдаги мураббийи... Биласизми, менга қайси номзод маъқул келмоқда? Дидье Дешам. У ҳақиқий ғолиб", — дея Педреролнинг сўзларидан иқтибос келтиради The Touchline.
Дидье Дешам 2012 йилдан буён Франция терма жамоасини бошқариб келмоқда, бироқ бўлажак Жаҳон чемпионати якунланганидан сўнг у ўз лавозимини тарк этади.
