«Ливерпуль» дарвозабони Алиссон Бекернинг «Ювентус»га ўтиши кун сайин сўниб бормоқда. 33 ёшли бразилиялик посбоннинг маош борасидаги юқори талаблари туринликларнинг умидларини пучга чиқармоқда. «Бьянконери» вакиллари дарвозабоннинг сўровларини қондира олмасликларини тушуниб етгач, бошқа — ҳамёнбоп вариантларни ўрганишни бошлашди.
Transfer News Live нашрининг Tuttosport ва TEAMtalk маълумотларига таяниб хабар беришича, Алиссонга муқобил номзод сифатида «Манчестер Сити» аъзоси Жеймс Траффорд танланган. Алиссоннинг «Ливерпуль» билан шартномаси 2027 йил ёзигача амал қилади ва унинг Transfermarkt порталидаги баҳоси 17 миллион еврони ташкил этади.
Траффорднинг «Манчестер Сити» билан келишуви 2030 йилгача мўлжалланган, бироқ кўплаб миш-мишларга кўра, у Джанлуиджи Доннарумманинг ўринбосари ролидан қониқмаётгани сабабли жамоадан кетишга тайёр. Transfermarkt 23 ёшли инглиз посбонини 25 миллион еврога баҳолаган.
