Криштиану Роналдунинг собиқ ошпази Жоржо Бароне португалиялик футболчининг овқатланиш тартиби ҳақида сўзлаб берди.
«Криштиану Роналдунинг диетаси жуда мувозанатлашган. У ҳамма нарсадан оз-оздан тановул қилади, лекин булар доим фойдали маҳсулотлар бўлади.
Нонуштага у қаҳва билан авокадо ва тухум ерди — шакар эса умуман йўқ. Мутлақо шакарсиз.
Тушликда товуқ гўшти, балиқ ва албатта сабзавотлар бўлиши мумкин. Агар унга углеводлар керак бўлса, уларни сабзавотлардан олади, шунинг учун унга ундан тайёрланган ҳеч қандай маҳсулотнинг кераги йўқ. Паста (макарон), нон ва шунга ўхшаш таомлар унинг рационида мавжуд эмас.
Кечқурун у енгил овқатланади, одатда балиқ ёки филе кўринишидаги гўшт ейди. Бу таомлар доим сабзавотлар билан бирга тортиқ қилинади», — деди Бароне Covers.com нашрига берган интервьюсида.
