«Манчестер Юнайтед» бош мураббийи Майкл Кэррик жамоадаги келажаги борасидаги саволларга яна бир бор жавоб берди.
«Мен бу ерда бўлиш менга ёқишини, бажараётган ролимни яхши кўришимни кўп марта айтганман. Бизда яхши натижалар бўлди ва ҳозирда спорт формамиз ҳам ёмон эмас. Биз ҳали ҳам ўсишда давом этишни истаймиз, эришишни хоҳлаган юқори даражаларимиз бор, бу ҳақиқат.
Кўрамиз. Мен ҳар ҳафта бир хил гапни такрорлаяпман. Бу борада фақат маълум бир нарсаларнигина айта оламан, лекин аввал айтганларимни яна такрорлайман: менга бу ерда бўлиш жуда ёқади. Ҳозирги эгаллаб турган лавозимимда бўлиш — ҳақиқий шараф ва мен зиммамиздаги масъулиятдан куч оламан.
Тўғрисини айтсам, қачон аниқлик киритилишини билмайман. Бу мен қуваётган муддатлар билан боғлиқ масала эмас. Ўйлайманки, ҳаммаси ўз вақти келганда ойдинлашади. Ҳозир жамоа ва клубга натижаларга эришишда ёрдам бериш учун шу ердаман. Айни дамда ишларимиз жойида кетмоқда. Биз босим ўтказишда ва яхшироқ бўлишда давом эта оламиз, шу боис ҳозир бор эътиборим шунга қаратилган», — дея 44 ёшли инглиз мутахассисининг сўзларини келтирмоқда PA.
Эслатиб ўтамиз, Кэррик «МЮ»ни 2026 йилнинг январидан бери бошқариб келмоқда, унинг амалдаги шартномаси 2026 йил 30 июнгача мўлжалланган.
