Футбол бўйича XII Ўзбекистон миллий чемпионатининг 17 тури орқада қолди. Сентябрь ойидаги миллий терма жамоамиз ўйинлари туфайли жамоалар кичик танаффусга чиқишди. Фурсатдан фойдаланиб жамоалар ўтган турларни сарҳисоб қилишиб, олдинда турган ўйинларга тайёргарлик кўришади.

Ортда қолган 17 турнинг 13 тасида ғалаба қозонилди, 2та дуранг ва 2та мағлубият қайд этилди. Жамоа ўйинчилари рақиблар дарвозасига жами 43 марта гол киритишди, ўтказиб юборилган тўплар сони 18та. Энг муҳими қаршиликлар кетма-кет 9 марта ғалаба қозониб, ўз тарихида янги рекорд ўрнатди! Бу ҳақда кейинроқ батафсил ёзамиз.

“Насаф” жамоаси ҳам кеча 26 август куни бўлиб ўтган “Сўғдиёна” жамоасига қарши учрашувдан сўнг икки кунлик таътилга чиқишди. Қисқа танаффусдан сўнг жамоа ўз олдида турган 18-турга, яъни Тошкентнинг “Локомотив” жамоасига қарши учрашувга тайёргарликни бошлайди.

Жамоамиз олдида сентябрь ойида ҳам жуда муҳим ўйинлар кутиб турибди. Жамоа келаси ойда ўз майдонида битта ўйин ўтказса, қолган учрашувларни барчасини сафарда ўтказади. Сентябрда Ўзбекистон Кубоги финали ҳам бўлади. “Насаф” ўз тарихида тўртинчи марта ана финалда иштирок этади. Кетма-кет эса учинчи марта.

Қуйида ана шу ўйинларни санасини билан таништириб ўтамиз.
Олий лига 18-тур, 13 сентябрь. “Локомотив” (Тошкент) – “Насаф” (Қарши)
Олий лига 19-тур, 20 сентябрь. “Насаф” (Қарши) – “Пахтакор” (Тошкент)
Ўзбекистон Кубоги-2013, Финал. 25 сентябрь. “Бунёдкор” (Тошкент) – “Насаф” (Қарши)
Олий лига 20-тур, 29 сентябрь. “Металлург” (Бекобод) – “Насаф” (Қарши)

Кўриниб турибдики, “Насаф” жамоасига сентябрь ойида ҳам осон бўлмайди. Олдинда турган ҳеч бир ўйин оддий ўйин эмас. Энг асосийси жамоа бу йилги мавсумда қайси совринга эгалик қилишини айнан мана шу ўйинлар натижалари аниқлик киритиб берса ҳам ажаб эмас.

Биз мухлислар севимли жамоамизга ушбу ўйинларда ҳам каттадан-катта зафарлар тилаб қоламиз. Биз севимли жамоамизни ҳар қачонгидан кўра, кўпроқ қўллаб-қуватлаверамиз. Олға “Насаф”!