«ПСЖ» клуби ярим ҳимоячи Витиньянинг тикланиш жараёни ҳақида маълумот берди.
Парижликлар тиббий хизматининг маълумотларига кўра, товон қисмидаги жароҳат ҳеч қандай асоратларсиз битмоқда. Футболчи аллақачон индивидуал режа асосида машғулотларни бошлаган, у аста-секин формага кириб, умумий гуруҳга қайтишга яқинлашмоқда.
26 ёшли хавбек «Лион»га қарши ўйинда (1:2) жароҳат олган эди. Ўшанда у майдонни сезиларли даражада оқсоқланган ҳолда тарк этган ва ҳатто ўнг оёғидаги бутсасини ечиб олганди.
Шу билан бирга, клуб ҳозирча унинг майдонга қайтиши бўйича аниқ муддатларни айтмаяпти.
