«Челси» Лиам Росеньор билан хайрлашганидан сўнг янги бош мураббий изламоқда. «Кўклар»нинг қизиқишлари доирасида Жозе Моуриньо ҳам борлиги айтилаётган эди.

Goal нашри берган маълумотларга кўра, Лондон клуби раҳбарияти португалиялик мутахассиснинг қайтиши қанчалик тўғри қарор бўлишига катта шубҳа билан қарамоқда. Миш-мишларга кўра, «Челси» хўжайинлари тажрибали номзодларга устуворлик беришмоқда, бироқ кўриб чиқилаётган вариантлар орасида «The Special One» исми қайд этилмаган.

Эслатиб ўтамиз, Жозе Моуриньо аввал ҳам икки бор «Челси»да ишлаган — дастлаб 2004 йилдан 2007 йилгача, кейин эса 2013 йилдан 2015 йилгача. Ҳозирги вақтда 63 ёшли мураббий «Бенфика»ни бошқармоқда ва унинг клуб билан 2027 йилгача мўлжалланган шартномаси мавжуд.