«Наполи» бош мураббийи Антонио Конте жамоасининг «Кремонезе»га қарши ўтказилган сўнгги ўйиндаги натижасидан мамнун эканлигини билдирди. Бу ҳақда неаполликлар устози матбуот анжуманида айтиб ўтди.

Эслатиб ўтамиз, А Сериянинг 34-туридан ўрин олган ушбу учрашув «Наполи»нинг ўз майдонидаги йирик ғалабаси (4:0) билан якунланди.

«Биз хурсандмиз. Жамоа ўйиндан завқ олди ва муҳим уч очкони қўлга киритди. Ҳозирда биз иккинчи ўриндамиз ва рақобатчиларимизнинг натижаларини кутяпмиз», — дея мутахассиснинг сўзларини келтиради Италия матбуоти.

Айни дамда Неаполь жамоаси ўз ҳисобида 69 очкога эга ва турнир жадвалида «Интер»дан кейин иккинчи ўринни эгаллаб турибди. Бироқ, Конте жамоаси якшанба куниёқ учинчи поғонага тушиб кетиши мумкин. Бу «Милан»нинг «Ювентус» устидан ғалаба қозониши тақдирида юз беради.