Лондоннинг «Челси» клуби собиқ футболчиси Жо Коул Лиам Росеньор истеъфога чиқарилганидан кейин «кўклар»ни ким бошқариши кераклиги ҳақида ўз фикрларини билдирди.

Яқинда инглиз мутахассиси «Челси»нинг Англия чемпионатидаги бешта ўйиндан иборат мағлубиятли сериясидан сўнг ўз лавозимидан озод этилган эди.

Коулнинг сўзларига кўра, инглиз клубида испаниялик мураббий Хаби Алонсо муваффақиятга эришиши мумкин.

«У катта клублар нима эканлигини тушунади. У — ғолиб. Аммо афсусланарли жиҳати шундаки, Хаби Алонсо «Челси»нинг таклифини умуман кўриб чиқишига кўзим етмайди», — дея экспертнинг сўзларини келтиради Paddy Power.

44 ёшли Алонсо 2026 йилнинг январидан бери ишсиз юрибди. Испаниялик мутахассиснинг охирги клуби Мадриднинг «Реал»и бўлган эди. Шунингдек, у Леверкузеннинг «Байер» жамоасини ҳам бошқарган ва улар билан Германия чемпиони деган номга сазовор бўлган.