«Пахтакор» ва «Андижон» клубларининг собиқ мураббийи Максим Шацких Украина миллий терма жамоаси учун янги бош мураббий излаш масаласи бўйича ўз фикрини билдирди.

— Йўқ. Мен бу саволга жавоб беришга тайёр эмасман. Ҳатто хаёлимда ҳам «мана шу мураббийни тайинлаш керак» деб бармоқ билан кўрсатадиган ном йўқ.

Мен деярли ҳаммасини ўқийман, ҳозир терма жамоага қанчадан-қанча мутахассислар номзоди кўтарилаётганини кўриб турибман. Аммо бу ерда жуда кўп омилларни ҳисобга олиш керак: менталитет, ички футбол “ошхонаси”, мамлакатдаги уруш — буларнинг бирортасини ҳам назардан четда қолдириб бўлмайди. Умид қиламанки, Украина футбол ассоциациясида юқори даражадаги мутахассислар бор ва улар барча жиҳатларни ҳисобга олиб, тўғри қарор қабул қилишади, — деди Шацких.

Эслатиб ўтамиз, 22 апрель, чоршанба куни Сергей Ребров миллий жамоа бош мураббийи лавозимини тарк этгани маълум бўлган эди. Терма жамоани бошқариш учун асосий номзодлар сифатида Мирон Маркевич, Олег Лужний ҳамда италиялик мутахассис Андреа Мальдера кўрилмоқда.