Мадриднинг «Атлетико» клуби ҳужумчиси Хулиан Альварес вакиллари Барселонада футболчи учун уй танланаётгани ҳақидаги маълумотларни рад этишди. Бу ҳақда агент Фернандо Идальго фикр билдирди.
— Бу 1000% ёлғон. Альварес оиласидан ҳеч ким Барселонада бўлмаган. Улар охирги марта у ерда «Атлетико»га қарши ўйин вақтида бўлишган, кейинги куни эса Мадридга қайтишган. Бу тўлиқ бемаъни гап, — деди Идальго Mundo Deportivo нашрига.
Аввалроқ оммавий ахборот воситалари Альвареснинг ака-укалари Барселонада, жумладан Кастельдефельс ҳудудида — Лионель Мессига тегишли уй жойлашган жойда ва Лес Кортс туманида — «Барселона»нинг «Камп Ноу» стадиони атрофида кўчмас мулкларни кўздан кечиргани ҳақида хабар берган эди.













