Madridning «Atletiko» klubi hujumchisi Xulian Alvares vakillari Barselonada futbolchi uchun uy tanlanayotgani haqidagi ma’lumotlarni rad etishdi. Bu haqda agent Fernando Idalgo fikr bildirdi.

— Bu 1000% yolg‘on. Alvares oilasidan hech kim Barselonada bo‘lmagan. Ular oxirgi marta u yerda «Atletiko»ga qarshi o‘yin vaqtida bo‘lishgan, keyingi kuni esa Madridga qaytishgan. Bu to‘liq bema’ni gap, — dedi Idalgo Mundo Deportivo nashriga.

Avvalroq ommaviy axborot vositalari Alvaresning aka-ukalari Barselonada, jumladan Kasteldefels hududida — Lionel Messiga tegishli uy joylashgan joyda va Les Korts tumanida — «Barselona»ning «Kamp Nou» stadioni atrofida ko‘chmas mulklarni ko‘zdan kechirgani haqida xabar bergan edi.