Англия Премьер-лигасининг 2025/2026 йилги мавсуми 34-туридан ўрин олган «Фулхэм» ва «Астон Вилла» жамоалари ўртасидаги баҳс якунланди. Жамоалар Лондон (Англия) шаҳридаги «Крэйвен Коттедж» стадионида ўзаро тўқнаш келишди. Учрашувни бош ҳакам Майкл Оливер бошқариб борди. Майдон эгалари 1:0 ҳисобидаги ғалабани қўлга киритишди.
Ўйиндаги ягона гол 43-дақиқада киритилди. «Дала ҳовли эгалари» ҳимоячиси Райан Сесеньон ўз номини таблога ёздириб қўйишга муваффақ бўлди.
Ушбу ғалабадан сўнг «Фулхэм» мавсумдаги очколари сонини 48 тага етказиб олди ва АПЛ турнир жадвалида 10-ўринга кўтарилди. «Брентфорд» ва «Челси» ҳисобида ҳам шунча очко мавжуд. «Астон Вилла» эса 58 очко билан тўртинчи ўринни эгаллаб турибди. Захирасида битта ўйини бор «Ливерпуль» улардан уч очкога ортда қолмоқда.
Англия Премьер-лигаси. 34-тур
25.04.2026 | 16:30, «Крейвен Коттеж», Лондон
«ФУЛХЭМ» — «АСТОН ВИЛЛА» — 1:0
Гол: Райан Сесеньон 43 (1:0).
