«Барселона» ҳужумчиси Роберт Левандовски Испания чемпионатида гол+пас тизимида ўз очколари сонини 100 тага етказиб олди.
Ла Лиганинг 32-тури доирасида кечган «Хетафе»га қарши баҳсда (2:0) польшалик форвард Маркус Рэшфордга голли узатма етказиб берди. Бу Роберт учун Испания биринчилигидаги 100-самарали ҳаракат бўлди (81 та гол ва 19 та ассист).
Шу тариқа, Левандовски XXI асрда ушбу маррани забт этган энг ёши катта футболчига айланди. У мазкур натижани 37 ёшу 247 кунлигида қайд этди.
Маълумот учун, Роберт Левандовски 2022 йилнинг ёзида Мюнхеннинг «Бавария» клубидан «Барселона» сафига келиб қўшилган эди.
