Мадриднинг «Реал» клуби кейинги мавсум учун янги бош мураббий излаш билан банд. «Қаймоқранглилар»нинг қизиқишлар доирасида ҳамон «Боруссия» ва «Ливерпуль» собиқ устози Юрген Клопп қолмоқда.
Инсайдер Рамон Альварес де Муннинг хабар беришича, германиялик мутахассис «қироллик клуби» бош мураббийлигига асосий номзод сифатида кўрилмоқда. Айни дамда жамоани испаниялик Альваро Арбелоа бошқариб турибди.
«Реал» Испания Ла Лигасининг жорий мавсумида Каталониянинг «Барселона» жамоасидан кейин иккинчи ўринни эгаллаб турибди. Чемпионлар лигасида эса Мадрид гранди ўз иштирокини чорак финал босқичида тўхтатган.
