«Бавария» спорт директори Макс Эберль Мюнхен жамоаси ҳужумчиси Майкл Олисега топ-клублар томонидан бўлаётган қизиқишлар ҳақидаги миш-мишларга изоҳ берди.
«Майкл Олисе — бизнинг дахлсиз футболчимиз. Биз уни ҳеч қачон сотмаймиз. Уни сотиш ҳақида ҳатто бир сония ҳам ўйлаб кўрмаймиз», — деди Эберль ZDF телеканалига берган интервьюсида.
Майкл Олисе 2024 йилда 53 миллион евро эвазига «Кристал Пэлас»дан «Бавария»га ўтган эди. Унинг шартномаси 2029 йилнинг 30 июнига қадар мўлжалланган. Жорий мавсумда франциялик футболчи мюнхенликлар сафида барча мусобақаларда 46 та ўйинда майдонга тушиб, 19 та гол урди ва 29 та голли узатмани амалга оширди. Transfermarkt портали Олисенинг бозор қийматини 140 миллион еврога баҳоламоқда.
