Мадриднинг «Атлетико» клуби ҳужумчиси Антуан Гризманн Ла Лига доирасида «Атлетик Бильбао» устидан қозонилган ғалабадан (3:2) сўнг журналистлар билан суҳбатлашди. Франциялик футболчи майдонда 63 дақиқа ҳаракат қилган бўлса-да, ўз ҳисобига гол ёзиб қўйишга улгурди.
Якуний ҳуштакдан сўнг 35 ёшли форвард учрашувнинг энг яхши футболчиси совринини қабул қилиб олди.
«Мен «Атлетико»даги сўнгги ўйинларимдан ҳақиқий завқ олмоқдаман. Умид қиламанки, кетишимдан олдин мухлисларга қандайдир махсус совға тақдим эта оламан», — дея Гризманннинг сўзларини келтиради Atletico Universe.
Эслатиб ўтамиз, «матрасчилар» фахрийси аллақачон «Орландо Сити» клуби билан шартнома имзолаган — трансфер шу ёзда амалга ошади.
Чоршанба куни «Атлетико» ўз майдонида Чемпионлар лигаси ярим финали доирасида «Арсенал»ни қабул қилади.
