«Ливерпуль» бош мураббийи Арне Слот ҳужумчи Муҳаммад Салоҳнинг жароҳати борасида тўхталиб ўтди. Эслатиб ўтамиз, форвард АПЛ 34-тури доирасидаги «Кристал Пэлас»га қарши ўйинда (3:1) шикастланган эди.
«Яна бир ғалаба ва яна бир жароҳат — бу бутун мавсумимиз давомида кузатилаётган ҳолат. Ҳозирча аниқ бир гап айтиш жуда эрта, бироқ барчамиз Салоҳни яхши биламиз ва унинг учун майдонни тарк этиш нақадар қийинлигидан хабардормиз. Агар Салоҳ ўйинни тўхтатган бўлса, демак бу кўп нарсадан далолат беради. Шунга қарамай, жароҳат қанчалик жиддий эканини билиш учун бироз кутишимиз керак», — дея Слотнинг сўзларини келтиради инсайдер Фабрицио Романо.
Жорий мавсумда Муҳаммад Салоҳ «Ливерпуль» сафида барча турнирларда 39 та ўйинда майдонга тушиб, 12 та гол урди ва 9 та голли узатмани амалга оширди.
