Лондоннинг «Арсенал» клуби марказий ярим ҳимоячиси Деклан Райс инглиз жамоаси ичидаги муҳит ҳақида ўз фикрларини билдирди.
«Мавсум давомида шундай бўлди ва биз охиригача шуни истаймиз: чўққида қолиш ва ижобий кайфиятни сақлаш. Биз айнан ғалаба қозонишда давом этишга интиламиз», — деди Райс «Ньюкасл» устидан қозонилган ғалабадан сўнг.
Микель Артета жамоаси Англия Премьер-лигасининг олтин медаллари учун курашни давом эттирмоқда. Айни дамда «канонирлар» ҳисобида 73 очко мавжуд — лондонликлар «Манчестер Сити»дан уч очко олдинда бормоқда. Бироқ «шаҳарликлар» ихтиёрида яна битта захира ўйини мавжуд.
