«Милан»нинг марказий ярим ҳимоячиси Юссуф Фофана Франция чемпионатининг икки клуби қизиқишлари доирасига тушди. Бу ҳақда TuttoSport нашри хабар бермоқда.
Манбанинг маълумотларига кўра, франциялик хавбекни «Лион» ва «Марсель» клублари ўз сафига қўшиб олмоқчи. «Россонерилар» футболчини қўйиб юборишга тайёр, чунки унинг сотилиши ёзги трансфер ойнасида Леон Горецканинг «Бавария»дан «Милан»га ўтишини молиялаштиришга ёрдам беради.
Қайд этилишича, «Милан» раҳбарияти Фофанани 30 миллион еврога баҳоламоқда. Жорий мавсумда ярим ҳимоячи барча мусобақаларда 31 та ўйинда майдонга тушиб, ўз ҳисобига иккита гол ва тўртта голли узатмани ёздириб қўйди.
