"Ювентус" клуби "МБ" яримҳимоячиси Нанининг келаси йил эркин агентга айланишидан фойдаланиб қолмоқчи. Бу ҳақда Sky Sports Italia шундай ёзади.
Турин клуби Португалия терма жамоасининг 26 ёшли аъзосини мавсум якунида бепул ўз сафига қўшиб олишга ҳаракат қилиб кўради. Албатта, агар у Англия чемпионлари билан шартномасини узайтирмаса.
Эслатиб ўтамиз, мавсумлар оралиғида "Ювентус"га эркин агент мақомида "Атлетик" ҳужумчиси Фернандо Льоренте, ўтган йили эса "МЮ" яримҳимоячиси Поль Погба келиб қўшилганди.
Қайд этиш жоиз, Нанини "Рома" ва "Монако" клублари билан ҳам боғлашмоқда.
