«Милан» устози Массимилиано Аллегри журналистларнинг Чемпионлар Лигасига йўлланма олиш масаласи ҳал бўлган-бўлмагани борасидаги саволларига жавоб берди.
«Бизга яна олти очко ёки иккита ғалаба етишмаяпти. Майдоннинг сўнгги 25 метрида анча ақллироқ ҳаракат қилишимиз керак эди. Якуний натижа — бу барча очколар йиғиндисидир. Бизга етти очко керак эди, энди эса етти эмас, олти очко қолди. Ўтган ўйиннинг асосий хулосаси шундан иборат. Энди бор эътиборимизни «Сассуоло» билан баҳсга қаратамиз», — дея Аллегрининг сўзларини келтирмоқда pianetamilan.it.
Ҳозирда «Милан» Италия А Серияси турнир жадвалида учинчи ўринни эгаллаб турибди.
