«Ливерпуль» клуби собиқ футболчиси, ҳозирда мураббийлик фаолиятини олиб бораётган Стивен Жеррард «Бёрнли» бош мураббийи лавозимини эгаллаши мумкин. Бу ҳақда Burnley Express нашри хабар бермоқда.
«Бёрнли» муддатидан олдин АПЛни тарк этди ва келгуси мавсумни Чемпионшипда ўтказади. Стивен Жеррард айни дамда ишсиз ҳисобланади. Унинг сўнгги иш жойи Саудия Арабистонининг «Ал-Иттифоқ» клуби бўлган ва у ерни ўтган йилнинг январь ойида тарк этган эди.
Аввалроқ Жеррард Шотландиянинг «Рейнжерс» ҳамда Англиянинг «Астон Вилла» жамоаларидаги мураббийлик фаолияти билан танилган.
Маълумот учун, АПЛ якунланишига тўрт тур қолганда «Бёрнли» 20 очко билан турнир жадвалининг охиргидан битта олдинги поғонасини эгаллаб турибди ва юқори дивизионда қолиш имкониятини йўқотган.
