Дортмунднинг «Боруссия» клуби ҳужумчиси Матис Альберт Бундеслигада майдонга тушган энг ёш америкалик футболчи сифатида тарихга кирди. AP нашрининг хабар беришича, у 26 апрель куни 16 ёш, 11 ой ва 5 кунлигида жамоанинг асосий таркибида дебют қилди.
Жанубий Каролина штатининг Гринвилл шаҳридан бўлган Альберт Германия чемпионатининг 31-туридан ўрин олган «Боруссия» — «Фрайбург» (4:0) учрашувининг 88-дақиқасида майдонга тушди.
Шу тариқа, ёш ҳужумчи Жо Рейна томонидан 2020 йил 18 январда ўрнатилган рекордни (17 ёш, 2 ой, 5 кун) янгилади. Маълумот учун, Рейнагача бўлган рекорд ҳам «Боруссия»нинг бошқа бир америкалик аъзоси Кристиан Пулишичга тегишли эди (17 ёш, 4 ой, 12 кун).
Матис Альберт 2024 йилда «Лос-Анжелес Гэлакси» ёшлар дастуридан Дортмунд клуби академиясига келиб қўшилган. Шунингдек, у ўтган йили АҚШ ўсмирлар терма жамоаси сафида 17 ёшгача бўлган футболчилар ўртасидаги жаҳон чемпионатида иштирок этган.
