Франциянинг нуфузли L'Équipe нашри 28 апрель куни бўлиб ўтадиган Чемпионлар лигаси ярим финал дастлабки баҳси учун «ПСЖ»нинг тахминий бошланғич таркибини прогноз қилди.
L'Équipe талқинига кўра «ПСЖ»нинг «Бавария»га қарши таркиби:
Матвей Сафонов, Ашраф Ҳакимий, Маркиньос (сардор), Вильям Пачо, Нуну Мендеш, Витинья, Уоррен Заир-Эмери, Жоау Невеш, Дезире Дуэ, Усмон Дембеле, Хвича Кварацхелия.
Эслатиб ўтамиз, «ПСЖ» чорак финал босқичида икки ўйин натижасига кўра «Ливерпуль» тўсиғидан ўтган эди. Мюнхеннинг «Бавария» клуби эса Мадриднинг «Реал» жамоасини мағлуб этиб, ярим финал йўлланмасини қўлга киритган.
