Мадриднинг «Атлетико» клуби ярим ҳимоячиси Пабло Барриос жароҳати сабабли Чемпионлар лигаси ярим финали доирасидаги «Арсенал»га қарши ҳар иккала учрашувни ўтказиб юборадиган бўлди.
Испаниялик футболчи мушакларидан жароҳат олган. Маълумотларга кўра, Барриос Лондон клуби билан кечадиган баҳсларда жамоасига ёрдам бера олмайди. Ҳозирда футболчи бор эътиборини тикланиш жараёнига қаратган.
Агар «матрасчилар» ярим финал тўсиғидан ўта олишса, Пабло Барриос Чемпионлар лигаси финалига қадар сафга қайтишга ҳаракат қилади.
«Арсенал»га қарши ўйинлар 29 апрель (Мадридда) ва 5 май кунлари (Лондон)да бўлиб ўтади.
