Италия А Сериясининг 34-турида «Торино» билан дуранг (2:2) қайд этган «Интер» бош мураббийи Кристиан Киву ўйиндан кейинги фикрлари билан ўртоқлашди.

«Бироз ҳафсала пир бўлди, чунки биз ўйинни назорат қилаётган эдик, аммо рақибнинг сўнгги босими вақтида бўшашдик. «Торино»нинг биринчи голи мувозанатимизни бузиб юборди, иккинчиси эса дарҳол кетидан дарвозамизга кирди. Жавоб қайтаришга ҳаракат қилдик, аммо бундай ўйинларда ҳатто мағлуб бўлиш ҳам ҳеч гап эмасди», — деди мураббий клуб расмий сайтига берган интервьюсида.

Киву, шунингдек, рақибнинг иродасини эътироф этиб, жамоасининг турнир жадвалидаги ҳолати ҳақида тўхталди: «Торино»га қойил қолиш керак, улар охиригача таслим бўлишмади. Бу дуранг учун масъулиятни ўз зиммамга оламан, аммо умумий вазият у қадар ўзгаргани йўқ. Олдинда 4 та ўйин қолди, чемпионликни нақд қилиш учун бизга атиги 3 очко керак».

Айни дамда «Интер» 79 очко билан пешқадамлик қилмоқда, иккинчи ўриндаги «Наполи» ҳисобида 69 очко мавжуд.