«Милан»нинг собиқ юлдузи Дженнаро Гаттузо Россия клубларида мураббийлик қилишга тайёрлигини билдирди. Эслатиб ўтамиз, яқинда Гаттузо Италия терма жамоаси ЖЧ-2026 га чиқа олмаганидан сўнг бош мураббийлик лавозимини тарк этган эди.
«Мен Россиядаги иш таклифларини кўриб чиқаман. Бунинг учун, аввало, таклиф бўлиши керак. Менинг ишим — мураббийлик қилиш. Шу сабабли, агар арзигулик таклиф тушса, Россия клубларидан бирида ўзимни синаб кўришга тайёрман», — дея Гаттузонинг сўзларини келтиради Sport24.
Қайд этиш жоизки, Россия чемпионати якунига яқинлашмоқда. Олтин медаллар учун кураш «Краснодар» ва «Зенит» ўртасида кечмоқда. Айни дамда краснодарликлар Питер клубини бир очкога ортда қолдиришмоқда (60 га қарши 59 очко). Чемпионат тугашига атиги 3 та тур қолди.
