Ярим ҳимоячи Лука Модрич Италия чемпионати доирасидаги «Ювентус»га қарши ўйинда жароҳат олди ва майдонни тарк этди. Аввалроқ, юз суягининг икки жойидан синиши туфайли «Милан» футболчиси клубдаги мавсумнинг қолган қисмини ўтказиб юбориши хабар қилинганди.
Шу билан бирга, Хорватиядаги манбалар ва журналист Фабрицио Романо Модричнинг Жаҳон чемпионатига қадар сафга қайтишини таъкидламоқдалар.
Лука Модрич ҳозир 40 ёшда. Унинг «Милан» билан амалдаги шартномаси 2026 йилнинг июнь ойи охиригача мўлжалланган. «Россонери» айни дамда А Серия жадвалида учинчи ўринни эгаллаб турибди.
Хорватия терма жамоаси Жаҳон чемпионатининг гуруҳ босқичида Англия, Панама ва Гана терма жамоаларига қарши баҳс олиб боради.
