«Манчестер Юнайтед»нинг собиқ ярим ҳимоячиси Жесси Лингард жамоа сардори Бруну Фернандешнинг жорий мавсумдаги ўйинини юқори баҳолади.

«У доим мени «Юнайтед»да энг яхши ҳолатимда кўришни истарди. У ҳар доим ёрдам сўраб мурожаат қилишим мумкин бўлган инсон эди», — деди ҳозирда «Коринтианс» шарафини ҳимоя қилаётган Лингард.

Шунингдек, Жесси Поль Погбанинг «Агар Бруну «Манчестер Сити» каби жамоада ўйнаганида, «Олтин тўп»га даъвогарлик қила оларди», деган сўзларига муносабат билдирди. Унинг фикрича, Фернандеш ҳар қандай ҳолатда ҳам даъвогарлар қаторида бўлиши керак.

«100 фоиз қўшиламан. Унинг бу мавсумда «Манчестер Юнайтед»даги иштироки ажойиб бўлди. У даъвогарлар рўйхатида бўлиши шарт», — дея таъкидлади Лингард.

Маълумот учун, Бруну АПЛнинг 30 та ўйинида 8 та гол урди ва 18 та голли узатмани амалга оширди.