Италия А Серияси 2025/2026 йилги мавсуми 34-турининг сўнгги учрашувида «Лацио» ва «Удинезе» ўзаро баҳс олиб борди. Рим шаҳридаги «Олимпико» стадионида бўлиб ўтган учрашув 3:3 ҳисобидаги дуранг билан якунланди.
18-дақиқада «Удинезе» ҳимоячиси Кингсли Эҳизибуэ ҳисобни очди. 50-дақиқада «Лацио» футболчиси Лука Пеллегрини мувозанатни тиклади. 80-дақиқада испаниялик Педро римликларни олдинга олиб чиқди.
86-дақиқада ярим ҳимоячи Артюр Атта ҳисобни тенглаштирди. 90+3-дақиқада у дубль расмийлаштириб, меҳмонларни яна олдинга олиб чиқди. Аммо 90+5-дақиқада «Лацио» ярим ҳимоячиси Даниэль Мальдини якуний ҳисобни ўрнатди.
Айни пайтда «Лацио» Италия чемпионати турнир жадвалида 48 очко билан саккизинчи ўринни эгаллаб турибди. «Удинезе» эса 44 очко билан 11-поғонада жойлашган.
Италия А серияси, 34-тур
27 апрель 2026 йил, душанба.
«Лацио» — «Удинезе» 3:3
Голлар: Эҳизибуэ 18 (0:1), Пеллегрини 50 (1:1), Педро 80 (2:1), Атта 86 (2:2), Атта 90+3 (2:3), Мальдини 90+5 (3:3).













