«Манчестер Юнайтед» ҳимоячиси Харри Магуайр АПЛ доирасида «Брентфорд» устидан қозонилган ғалабадан сўнг жамоадаги ижобий ўзгаришлар ҳақида тўхталди. Ушбу муваффақият «қизил иблислар»нинг турнир жадвалида учинчи ўринни мустаҳкамлашига хизмат қилди.
«Натижаларнинг ўзи ҳаммасини айтиб турибди. Янги мураббий келгач, биз ўйинимизни кучайтирдик, Майкл жамоа даражасини юқорига кўтарди. Эндиликда нафақат рақиб жарима майдончасида, балки ўз дарвозамиз яқинида ҳам анча яхши ва тартибли ҳимояланяпмиз. Шунингдек, ҳужумда ҳам хавфлироқ бўлишни бошладик», — дея Магуайрнинг сўзларини келтиради BBC Sport.
Маълумот учун, Харри Магуайр 2019 йилдан буён «Манчестер Юнайтед» шарафини ҳимоя қилиб келмоқда. Клуб охирги марта 2013 йилда мамлакат чемпионлигини қўлга киритган эди.
