Мюнхеннинг «Бавария» клуби кузатув кенгаши аъзоси Карл-Хайнц Румменигге жамоа тўпурари Ҳарри Кейннинг келажаги борасида баёнот берди. 32 ёшли ҳужумчининг амалдаги шартномаси 2027 йилнинг ёзига қадар мўлжалланган.
«Ҳаррининг шартномасида товон пули ҳақидаги банд борлиги маълум эди. Бироқ у ушбу бандни фаоллаштирмади ва Мюнхенда қолишини аниқ билдирди. Эндиликда клуб спорт департаменти мавсум якунланганидан сўнг у билан амалдаги келишувни узайтириш бўйича музокаралар олиб боради», — деди Румменигге T-Online нашрига берган интервьюсида.
Айни дамда Венсан Компани бошчилигидаги «Бавария» жамоаси Чемпионлар лигаси доирасида «ПСЖ»га қарши кечадиган муҳим баҳсга тайёргарлик кўрмоқда. Ушбу учрашув бугун, 28 апрель куни Парижда бўлиб ўтади.
