Франция терма жамоаси собиқ бош мураббийи Раймон Доменек «ПСЖ» дарвозабони Люка Шевалье атрофидаги вазиятга ўз муносабатини билдирди. Ёш француз посбони айни дамда россиялик голкипер Матвей Сафонов билан рақобатда имкониятни бой бермоқда.
«Париж жамоаси ҳимоячилари Сафоновга ишонишади. Шевальеда эса бундай ҳолат кузатилмаяпти. Люка майдонга тушган вақтларда «ПСЖ» мудофаа чизиғи ҳаракатларида асабийлик сезилиб турди. Агар Шевалье мунтазам ўйнашни истаса, бу ерда ишлари юришмаганини тан олиши керак. У ўзини бошқа жамоада синаб кўргани маъқул», — дея мутахассиснинг сўзларини келтиради Le10Sport нашри.
Эслатиб ўтамиз, Люка Шевалье 2025 йилнинг ёзида 40 миллион евро эвазига «Лилль»дан Париж гранди сафига ўтган эди. Унинг клуб билан шартномаси 2030 йилнинг июнь ойигача мўлжалланган. Бироқ Сафоновнинг ишончли ўйини туфайли Шевалье захира ўриндиғига михланиб қолмоқда.
