Туриннинг «Ювентус» клуби «Штутгарт» ярим ҳимоячиси Ангело Штиллерни ўз сафига қўшиб олмоқчи. Бу ҳақда Tuttomercatoweb нашри хабар бермоқда.

Манба берган маълумотларга кўра, Италия клуби вакиллари 25 ёшли Германия терма жамоаси аъзосининг агентлари билан аллақачон боғланишган ва футболчининг айни дамдаги ҳолати бўйича маълумот тўплашган. Қизиғи шундаки, 2025 йилда афсонавий Тони Кроос Штиллерни «Реал Мадрид»га тавсия қилган эди. Ҳозирда Крооснинг яқин атрофидаги инсонлар Ангелонинг манфаатларини ҳимоя қилмоқда, бу эса трансфер тақдирида муҳим роль ўйнаши мумкин.

Эслатиб ўтамиз, ўтган ёзда Хаби Алонсо Штиллерни ўз жамоасига олиб келиш имкониятидан воз кечган эди. Футболчининг «Штутгарт» билан шартномасида 36 миллион евро миқдоридаги товон пули кўрсатилган. Жорий мавсумда Ангело 48 та ўйинда майдонга тушиб, 2 та гол ва 10 та голли узатмага муаллифлик қилди. Transfermarkt унинг трансфер қийматини 45 миллион еврога баҳоламоқда.