Хорватия терма жамоаси мураббийи Лука Модричнинг муваффақиятли операция қилингани ҳақидаги хабарга муносабат билдирди. Эслатиб ўтамиз, футболчи А Серия 34-туридан ўрин олган «Ювентус»га қарши ўйинда (0:0) чап ёноқ суяги синиши жароҳатини олган эди. Терма жамоа тиббий штаби зудлик билан Милан клуби тиббиёт департаменти, футболчининг ўзи ва клуб мураббийлар штаби билан доимий алоқа ўрнатди.
«Мен Лука билан гаплашдим ва унга операция муваффақиятли ўтишини, шунингдек, тезроқ соғайиб кетишини тиладим. Ишончим комилми, у Жаҳон чемпионатига тайёр бўлиш учун қўлидан келган барча ишни қилади ва биз уни тўлиқ қўллаб-қувватлаймиз. Тикланиш жараёни режадагидек ўтишига ва Лука жамоа сардори сифатида шу ёзда навбатдаги йирик турнирда бизни ўз ортидан бошлашига ишонаман», — дея бош мураббий Златко Даличнинг сўзларини келтирмоқда Хорватия терма жамоасининг X ижтимоий тармоғидаги расмий саҳифаси.
Хорватия терма жамоаси 2026 йилги Жаҳон чемпионатида «L» гуруҳида Англия, Гана ва Панама терма жамоалари билан кураш олиб боради. Турнир 2026 йилнинг 11 июнидан 19 июлига қадар АҚШ, Канада ва Мексика майдонларида бўлиб ўтади.
