Январь ойида Каземиро мавсум якунида «Манчестер Юнайтед»ни тарк этишини эълон қилган эди. Бразилиялик футболчи юқори савияда ўйнашда давом этмоқда ва душанба куни Премьер-лига доирасидаги «Брентфорд»га қарши ўйинда гол уришга ҳам муваффақ бўлди.
«Вазият ҳар икки томон учун ҳам жуда аниқ: ҳамма нарса тушунарли, қарор қабул қилиб бўлинган. Лекин мен Каземирога қойил қоламан, у майдонда бор кучини бериб ҳаракат қилмоқда», — деди Кэррик журналистларга.
Ҳозирда «Манчестер Юнайтед» Премьер-лига турнир жадвалида учинчи ўринни эгаллаб турибди ва Чемпионлар лигаси йўлланмасини қўлга киритишга жуда яқин.
