Германия терма жамоаси бош мураббийи Юлиан Нагельсманн 2026 йилги Жаҳон чемпионатида иштирок этадиган миллий жамоа таркибини аввал кутилгандек 12 майда эмас, балки 21 май куни эълон қилади. Бу ҳақда Sky Sport Germany хабар бермоқда.
Манбанинг маълум қилишича, мутахассис Бундеслига мавсуми якунланишини кутишни ва терма жамоага номзод футболчиларнинг ҳолати ҳақида иложи борича кўпроқ маълумот тўплашни истамоқда. Шу сабабли миллий жамоанинг дунё биринчилиги олдидан ўтказадиган йиғинлари ҳам бироз кечроқ бошланади.
Эслатиб ўтамиз, ЖЧ-2026 гуруҳ босқичида Германия терма жамоаси «E» гуруҳида Кюрасао, Кот-д'Ивуар ва Эквадор миллий жамоаларига қарши баҳс олиб боради.













