Germaniya terma jamoasi bosh murabbiyi Yulian Nagelsmann 2026 yilgi Jahon chempionatida ishtirok etadigan milliy jamoa tarkibini avval kutilgandek 12 mayda emas, balki 21 may kuni e’lon qiladi. Bu haqda Sky Sport Germany xabar bermoqda.
Manbaning ma’lum qilishicha, mutaxassis Bundesliga mavsumi yakunlanishini kutishni va terma jamoaga nomzod futbolchilarning holati haqida iloji boricha ko‘proq ma’lumot to‘plashni istamoqda. Shu sababli milliy jamoaning dunyo birinchiligi oldidan o‘tkazadigan yig‘inlari ham biroz kechroq boshlanadi.
Eslatib o‘tamiz, JCH-2026 guruh bosqichida Germaniya terma jamoasi «E» guruhida Kyurasao, Kot-d'Ivuar va Ekvador milliy jamoalariga qarshi bahs olib boradi.













